Papa amfukuza Padri mwenye mtoto

Papa Francis amemfukuza kasisi mzaliwa wa Rwanda ambaye alikuwa akitumikia kwa takriban miongo mitatu kama kasisi kaskazini mwa Ufaransa, ambako alikimbilia kufuatia mauaji ya kimbari katika nchi yake.

Amri hiyo inamwagiza kasisi “aepuke mahali ambapo hadhi yake ya awali inajulikana.

”Uamuzi wa Papa kumuondoa Wenceslas Munyeshyaka kutoka jimbo la makasisi uliwekwa wazi Machi, 23 na ulitangazwa Jumatatu. Ni kwa msingi wa kukiri kwa kasisi huyo kuwa alizaa mtoto mnamo 2010, shirika la Kikatoliki la La Croix International liliripoti Alhamisi.

Munyeshyaka “anapoteza moja kwa moja haki zote” zinazohusiana na kutawazwa kwake na “hajajumuishwa katika utendaji wa huduma takatifu,” kulingana na taarifa inayosambazwa mtandaoni iliyotiwa saini na askofu wa dayosisi ya Evreux.

"Askofu Christian Nourrichard alisema kuondolewa kwa kasisi huyo “hakuhusiani na rufaa yoyote” na kutaanza “mara moja.”