Papa Francis aangua kilio wakati akiombea taifa la Ukraine

Papa Francis akisali mjini Vatican, alilia akitaja mateso ya wananchi wa Ukraine. "Bikira safi zaidi, leo ningependa kukuletea shukrani za Waukraine," Papa Francis alianza, lakini hakuweza kuendelea kwa sababu ya machozi.

“Badala yake nabeba tena dua za watu, wazee, baba na mama, vijana wa nchi hii ya mateso inayoteseka sana,” alimaliza baada ya muda.

Papa Francis amezungumza kwa hisia kuhusu vita nchini Ukraine zaidi ya mara moja.

Katika taarifa yake ya mwisho, mnamo Novemba 29, alisema kwamba askari "wakatili zaidi" katika vita vya sasa ni "wale kutoka Urusi ambao hawafuati mila ya Kirusi - kama Wachechnya, Buryats, na kadhalika."

Hii ilisababisha hasira nchini Urusi, kati ya wafuasi na wapinzani wa vita.

Mnamo Februari 25, siku moja baada ya uvamizi wa Urusi nchini Ukraine, Papa alifanya ziara ya kibinafsi ya ghafla katika ubalozi wa Urusi huko Vatikani kuomba Urusi ikomeshe uchokozi wake.