Watu 10 wanusurika ajali ya moto Mbeya

Watu 10 wamenusurika kifo Mtaa wa Bank Kuu jijini Mbeya baada ya nyumba wanayoishi kuteketea kwa moto majira ya saa tisa usiku kwa kile kinachodaiwa kuwa ni hitilafu ya umeme.

Wakielezea tukio hilo manusura na mashuhuda wa ajali hiyo wamesema majira ya saa tisa usiku wa kuamkia leo wakati mvua ikiendelea kunyesha ghafla ilipiga radi na umeme ukakatika na baada ya kurejea walianza kusikia harufu ya vitu vikiungua. 

Akizungumza kwa niaba ya kamanda wa jeshi la zima moto na ukoaji, Ramadhan Sebombo, amesema walifanikiwa kuzima moto huo ingawa baadhi ya vyumba na mali zake vimeungua huku akisisitiza wananchi kutoa taarifa haraka yanapotoea matukio kama hayo ili kunusuru mali zao.