Watatu wafariki dunia baada ya kugongwa na gari

Muleba. Watu watatu wamefariki dunia baada ya pikipiki waliyokuwa wamepanda kugongwa na gari.

Tukio hilo limetokea eneo la daraja nane kata ya Kimwani Wilaya ya Muleba Mkoa wa Kagera leo asubuhi Alhamisi Januari 24, 2019 wakiwa wanaelekea eneo la Kyamworwa.

Mwenyekiti wa kijiji cha Kizilamuyaga kata ya Kimwani, Laurian Philipo amewataja waliofariki kuwa ni Alisia Amon (22) , Jeribina Justus (16)  wakazi wa kijiji cha Kangaza na Wilfred Timanyanywa.

Amesema  ajali hiyo imetokea saa 12:30 asubuhi baada ya gari hilo aina ya Toyota Hiace kuligonga pikipiki hiyo iliyokuwa imepakia watu wawili watatu, kufafanua kuwa dereva wa gari hilo hali yake si nzuri.

Kamanda wa polisi mkoani Kagera, Revocatus Malimi amesema amepokea taarifa za vifo hivyo kutoka kituo cha polisi Muleba.