Watatu mbaroni kwa kumuua mwanamke na kuutupa mwili

Jeshi la Polisi mkoani Mwanza linawashikilia watu watatu kwa tuhuma za mauaji ya mwanaume ambaye hajatambulika kisha mwili wake kuutelekeza pembezoni mwa klabu cha Pombe kilichopo Kitongoji cha Misheni Wilaya ya Sengerema mkoani humo.

Mauaji hayo yanadaiwa kutokea usiku wa kuamkia jana April 13, 2023 ambapo mwili wake umekutwa na majeraha usoni na sehemu za siri zikiwa zimetobolewa.

Akizungumza kwa njia ya simu, Kamanda wa Polisi Mkoa wa Mwanza, Wilbroad Mutafungwa amesema miongoni mwa wanaoshikiliwa ni mmiliki wa kilabu hicho cha pombe za kienyeji huku mwili wa marehemu ukihifadhiwa katika Hospitali ya Wilaya hiyo kwa ajili ya uchunguzi na utambuzi.

“Marehemu amekutwa na majeraha sehemu za paji la uso huku kolodani zikiwa zimetobolewa. Jeshi la Polis liko kazini na litahakikisha linawasaka na litawakamata wote waliohusika na mauaji hayo,” amesema Mutafungwa