Watu 4 wafariki Dunia basi la Tahmeed likitumbukia mtaroni
Watu wanne akiwemo mwanafunzi wameaga dunia baada ya basi la Tahmeed kutumbukia kwenye mtaro.
Mwanafunzi huyo aliaga dunia kwa kugongwa na basi hilo akivuka barabara eneo la Mau Summit.
Inaarifiwa abiria wengi walirushwa nje ya gari hilo kupitia kwa madirisha ya gari hilo ambalo lilitumbukia katika mtaro.
Watu wanne akiwemo mwanafunzi wameaga dunia na makumi ya wengine kujeruhiwa baada ya basi walimokuwa wakisafiria kutoka Kisumu kutumbukia kwenye mtaro.
Watu Wanne Waaga Dunia na Makumi Kujeruhiwa Baada ya Basi la Tahmeed Kutumbukia kwa Mtaro.
Basi la Tahmeed lililokuwa likisafiri kutoka Kisumu kuelekea upande wa Nakuru linasemekana kutumbukia katika mtaro dereva alipokuwa akijaribu kuhepa kugongana na lori.
Katika ripoti ya runinga ya NTV, dereva alipoteza udhibiti wa basi hilo akiepuka lori lililokuwa likija na abiria wengi wakarushwa nje ya basi hilo kupitia kwa madirisha.
Miongoni mwa waliouawa katika ajali hiyo ni mwanafunzi aliyegongwa na basi hilo akivuka barabara. Dereva alipata majeraha madogo.
"Alikuwa anahepa lori na kupoteza mwelekeo na kutumbukia kwenye mtaro... Tuliona baadhi ya abiria wakirushwa nje ya gari kupitia kwenye madirisha. Tulianza kuwasaidia. Wengine walikimbizwa hospitalini," mmoja wa walioshuhudia alisema. Basi la Tahmeed lashika moto na kuteketea.
Januari mwaka huu, basi la kampuni ya Tahmeed lilishika moto na kuchomeka hadi kuwa jivu lilipokuwa likielekea Mombasa. Basi hilo lilikuwa likielekea Mombasa kutoka jijini huku likiwa na abiria hao 42 ambao waliponea.
Walioshuhudia kisa hicho walisema mkasa ulitokea mita chache kabla ya basi hilo kufika mjini Voi. Abiria wote waliokolewa kabla ya ndimi za moto kumeza basi hilo lote hadi likageuka jivu.