Wanaotuhumiwa kumuua Milembe wakamatwa

Jeshi la Polisi limewakamata watuhumiwa watatu waliofanya mauaji ya mfanyakazi wa wa Kampuni ya Uchimbaji Madini ya Dhahabu Geita (GGML), Milembe Selemani (43) katika mtaa wa Mwatulole, Kata ya Buhalahala mkoani Geita.

Aidha Mtuhumiwa wa nne (Pastory Lugodisha), baada ya kupata taarifa ya kukamatwa kwa wahalifu wenzake aliamua kujinyonga kwa kutumia mkanda wa suruali katika pori la hifadhi ya Buhindi katika Halmashauri ya Buchosa, wilayani Sengerema.

Milembe aliuawa Aprili 27, kwa kukatwa viungo vya mwili wake na watu wasiojulikana na mwili wake kutupwa kwenye moja ya nyumba alizokuwa anajenga zilizopo mtaa wa Mwatulole Kata ya Buhalahala.