Wananchi walia "Hatumtaki mgombea"

Wananchi zaidi ya mianne wa Mbondole kata ya Msongora iliyopo Wilaya ya Ilala Jijini Dar es Salaam wamefika katika Ofisi za Chama cha Mapinduzi (CCM) zilizopo Lumumba kupinga uteuzi wa Thomas Nyanduli aliyeteuliwa na chama hicho kugombea nafasi ya Uwenyekiti katika kata yao.

Wakizungumza nasi baada ya kufika katika eneo hilo Wananchi hao wamesema kuwa hawana Imani na mgombea huyo kutokana na wizi wa kura uliyofanyika wakati wa uchaguzi ambapo walikuta zaidi ya kura 79 zikiwa katika mfuko wa chakula.

Wamesema wamekuwa wakiteseka kwa muda mrefu kutokana kiongozi huyo kushindwa kutatua kero zao badala yake amegeuka kuwa mwiba kwa wananchi wa kata hiyo.

Aidha wameiomba Serikali ya Rais Dkt. Samia Suluhu Hassan kuingilia kati swala hilo ili kuhakikisha haki zao zinapatikana.