Waajiri waonywa mkoani Tanga

Ofisi kazi Mkoa wa Tanga, Janet Omolo amewaonya waajiri wanaoajiri wafanyakazi bila kuwapa mikataba stahiki ya kazi

Akizungumza katika kikao cha wadau wa Shirika la Taifa la Hifadhi ya Jamii (NSSF) jijini Tanga, Omolo amesema ni jambo la kawaida kwa waajiri kuepuka kuwapa wafanyakazi mikataba ipasavyo, iwe ya mikataba ya muda maalum ya kudumu au kazi maalum.

Amesema kuwa ofisi yake imeona waajiri wengi walikuwa wakiwapatia wafanyakazi ajira  za muda na ni wachache tu waliokuwa na masharti ya kudumu.

Omolo amesema kuwa afisi yake imeanza kupita afisi za Jiji hilo kuangalia waajiri wanaofuata sheria ikiwa ni pamoja na kuwapa kandarasi za kazi wafanyakazi wao au ikiwa wafanyakazi walikuwa wanafanya kazi ndani ya muda uliowekwa na kupata malipo ya kufanya kazi kwa muda wa ziada.

Omolo amesema waajiri waliokuwa wakiwapa wafanyakazi wao likizo bila malipo bila kufuata taratibu zinazojumuisha mazungumzo na masuala ya chama cha wafanyikazi wanafanya makosa ya kisheria.

Wakati huo huo, NSSF imetoa wito kwa waajiri kutumia mpango wa punguzo la tozo ya kuchelewesha michango ya wafanyakazi katika mfuko huo ili kuepusha kuchukuliwa hatua za kisheria baada ya awamu ya tatu inayofikia tamati Desemba 30, mwaka huu.

Advertisement Meneja wa NSSF Kanda, Audrey Claudius amesema mfuko umeamua kutoa unafuu huo ili kufidia nyakati ngumu ambazo waajiri wengi walikabiliwa na uzalishaji mdogo kutokana na janga la Uviko-19.