Tanga kunufaika ujenzi chuo kikuu

Waziri wa Elimu, Sayansi na Teknolojia, Profesa Adolf Mkenda amesema Rais Samia Suluhu Hassan ametoa maagizo ya kujengwa kampasi 14 katika mikoa ambayo haina vyuo vikuu ili iweze kunufaika na elimu ya juu.

Mkenda ameyasema hayo wakati akizindua kampeni ya ‘Niache nisome Pangani inanitegemea’ iliyoandaliwa na Mkuu wa Wilaya ya Pangani mkoani Tanga, Zainab Abdallah na mbunge wa Pangani, Jumaa Aweso ambaye pia ni Waziri wa Maji.

Waziri Mkenda amesema Tanga kutajengwa kampasi ya Chuo Kikuu cha Mzumbe ambapo awali Waziri Aweso aliomba chuo kikuu kijengwe mkoani hapo ili kuwainua wananchi kiuchumi kwakuwa mzunguko wa hela utaongezeka.