Siku tatu za msako mtoto aliyezama mtoni Shinyanga

Ni takribani sIku tatu tangu kuzama kwa mtoto aliyefahamika kwa jina la Salumu Matheo (11) mkazi wa kata ya Ngokolo manispaa ya Shinyanga, mwanafunzi wa darada la nne katika shule ya msingi Bugoi B kuzama kwenye mto Mhumbu wakati akiwa anaogelea na wenzake wawili.

Tukio hilo lilitokea Februari 04, 2024 katika eneo la mto Mhumbu uliopo kata ya Ndembezi manispaa ya Shinyanga.

Akizungumza mjomba wa mtoto huyu amesema siku ya tukio hilo Salumu alitoka nyumbani na rafiki zake wawili kwenda kuogelea mtoni baada ya kushindwa kuangalia mpira kutokana na umeme kukatika.

Kiongozi wa zoezi hilo la uokoaji kutoka la jeshi la zimamoto na uokoaji Mkoa wa Shinyanga SGT. Masoud Mohammed amesema kuwa jitihada za kumtafuta mtoto huyo bado zinaendelea mpaka pale atakapo patikana huku mmoja wa waakoaji akisema katika jitihada za kumtafuta mtoto huyo wamefanikiwa kupata mwili wa mtu mwingine aliyezama kwenye mto huo.