Serikali yagharamia mazishi wawili waliouawa Morogoro

Mkuu wa Mkoa wa Morogoro, Fatma Mwassa, leo amekabidhi vifaa mbalimbali na fedha taslimu Sh milioni mbili kwa ajili ya mazishi ya watu wawili waliouawa juzi mkoani Morogoro.

Mkuu wa Mkoa wa Morogoro, Fatma Mwassa, leo amekabidhi vifaa mbalimbali na fedha taslimu Sh milioni mbili kwa ajili ya mazishi ya watu wawili waliouawa juzi mkoani Morogoro. Watu hao wa familia mbili tofauti wa Kijiji cha Ikwambi, Kata ya Mofu, wilayani Kilombero waliuawa Jumapili Oktoba 23, 2022, wakati Jeshi la Polisi likiwa katika harakati za kuzuia uvunjifu wa amani kutumia risasi za moto na kusababisha vifo hivyo.Fedha hizo zilikabishiwa kwa mwakilishi wa Shehe wa Wilaya ya Kilombero, Mustafa Kilumbu.