Polisi wamuua kwa risasi dereva bajaji aliyemnyonga mfanyakazi wa TANESCO

Jeshi la Polisi mkoa wa Songwe limemuua kwa kumpiga risasi Isaya Mzuge, dereva bajaji wakati akijaribu kuwatoroka polisi baada ya kukamatwa kwa tuhuma za kumuua kwa kumnyonga mfanyakazi wa TANESCO mkoani humo Angel Shakiyao.

Dereva bajaji huyo alimuua Angel usiku wa kuamkia Januari 16, 2023, kwa kutumia kamba ya viatu na kipande cha turubai la bajaji.

Kamanda wa Polisi mkoa wa Songwe ACP Theopista Mallya, amesema uchunguzi ulibaini kuwa tukio hilo limefanywa na dereva bajaji yenye namba za usajili MC 605 CYE ambapo wakati akitekeleza tukio hilo haikuwa imewekwa namba zozote na mara baada ya kukamatwa alikiri kutenda kosa hilo.

"Alijaribu kutoroka, Askari walifyatua risasi tatu hewani ili asimame, lakini hakusimama na kwa sababu walikuwa wanakimbizana walitaka kumlenga mguu lakini aliinama na bahati mbaya ikampiga mgongoni na kuanguka chini, na alipelekwa hospitali kwa ajili ya matibabu lakini alifariki," amesema ACP Mallya

Akizungumzia tukio hilo nyumbani kwa wazazi wa Isaya Mzuge, mjomba wake ambaye inaelezwa kuwa ndiye alikuwa mlezi wa marehemu licha ya kuwa katika majonzi anakiri kutambua kuwa kijana wake amekuwa na tabia za utukutu.