Mwili wa askari aliyefariki ajalini Dodoma waagwa

Miili ya Watu 11 kati ya watu 12 waliofariki kwa ajali ya gari usiku wa kuamkia leo Barabara Kuu ya Dodoma - Morogoro imepokelewa Katika Hospitali ya Rufaa Mkoa wa Morogoro ukiwemo mwili wa Askari Polisi Koplo Hamisi.

Watu hao wamefariki katika ajali iliyotokea kijiji cha Silwa Pandambili Wilaya ya Kongwa Mkoani Dodoma ikihusisha basi la abiria la kampuni ya Frester lililokuwa likitoka Bukoba kwenda Dar es Salaam ambalo limegongana uso kwa uso na Lori.

Kaimu Mganga Mfawidhi Hospitali ya Rufaaa Mkoa Morogoro Dokta Kessy Ngalawa amethibitisha kupokea miili hiyo ambapo amesema kati ya miili hiyo Wanaume 7 na Wanawake ni wanne akiwemo Mtoto wa miaka minne.

Ndugu wa Askari aliyefariki aliyejitambulisha kwa jina la Hamis Issa amesema Koplo Hamisi alikuwa anafanya kazi Mkoa wa Kipolisi Ilala na ajali imempata wakati akitoka kumchukua Mtuhumiwa.