Mwenge kukagua miradi 99 Pwani

Mkuu wa Mkoa wa Pwani, Alhaji Abubakari Kunenge amepokea Mwenge wa Uhuru, leo May 15, 2023 kutoka Mkoa wa Morogoro ambapo amesema Mwenge huo ukiwa Mkoani hapo utapitia miradi 99 yenye thamani ya trilioni 4.4 .

Mwenge huo , umepokelewa eneo la Ubena Estate, Chalinze ambapo Kunenge amesema kati ya miradi hiyo miradi 55 itakaguliwa, tisa imefunguliwa ,15 itazinduliwa na 20 itawekwa mawe ya msingi .

"Miradi hiyo inadhihirisha kazi nzuri inayofanywa na Serikali ya awamu ya sita chini ya Rais Samia Suluhu Hassan, kwa kutambua umuhimu wa utunzaji wa mazingira na vyanzo vya maji, shughuli zote zitafanyuka kwa kufuata matakwa ya Sheria ya Mazingira 2004 kifungu 57l”

Ukiwa Pwani Mwenge utakimbizwa katika Wilaya 7 na Halmshauri 9 za Mkoa wa Pwani umbali wa Kilometa 1,201.95.