Mwanaume ameuawa, mwili wakutwa kwenye gari na vitu vya kike

Jeshi la Polisi Kanda Maalum ya Dar es Salaam limetangaza kuwa linachunguza tukio la kifo cha mtu mmoja aliyefahamika kwa jina la Felix Josephat Mgeni (47) anayedaiwa kuuawa na mwili wake kukutwa ndani ya gari ukiwa na baadhi ya vitu vingine vya jinsia ya kike.

Akizungumza leo SACP Jumanne Muliro amebainisha kuwa marehemu huyo ambaye ni mkazi wa Kimara Temboni alidaiwa aliuawa maeneo ya Mbezi Luis usiku wa tarehe 14 Julai 2023 majira ya saa 8:15 usiku huku mwili wake ukiwa na jeraha kubwa kichwani kwenye gari namba T.552 DMB Toyota Rav 4.

Mwili wa marehemu umehifadhiwa hospitali ya Mloganzila kwa uchunguzi zaidi na hatua zaidi za kisheria zitachukuliwa baada ya uchunguzi wa kina.