Mwalimu Gephason akutwa amekufa chumbani kwake

Mwalimu Gephason Shita wa Shule ya Msingi Tuwapende Watoto, iliyopo Bunju B, Kata ya Mabwepande jijini Dar es Salaam, emekutwa amekufa chumbani kwake katika nyumba aliyokuwa anaishi eneo la Bunju B.

Akizungumza leo wakati wa kuaga mwili wa Gephason katika shule aliyokuwa anafundisha, Mwalimu Mkuu wa Shule hiyo, Immaculate Mleke, amesema Gephason alifundisha vipindi vya Jumatatu wiki hii, lakini baada ya siku hiyo hakuonekana tena, mpaka walipomtafuta nyumbani kwake na kukuta amefariki.

Amesema Mwalimu huyo aliyekuwa na umri wa miaka 29, akifundisha somo la Hisabati, anasafirishwa kuelekea kijijini kwao Kinazi mkoani Kigoma.