Mvua yaua mmoja Musoma

Musoma. Mvua inayoendelea kunyesha manispaa ya Musoma kuanzia leo asubuhi Jumamosi Novemba 30, 2019 imesababisha kifo cha mtu mmoja na mwingine kujeruhiwa.

Mkuu wa wilaya ya Musoma, Dk Vicent Naano amesema aliyefariki hajafahamika lakini alikuwa mkazi wa mtaa wa Mshikamano manispaa ya Musoma.

Amesema amefariki dunia baada ya kusombwa na maji.

Amesema mvua hiyo imeharibu mali mbalimbali za wananchi, " majeruhi amekimbizwa katika hospitali ya Mkoa kwa matibabu."

Amesema tathmini ya athari  ya mvua hiyo inayonyesha zaidi wilayani Butiama imeanza, akisisitiza kuwa taarifa kamili itatolewa kesho.