Mtuhumiwa wa mauaji afia hospitali

Mtuhumiwa wa mauwaji ya mtoto mwenye umri wa miaka 12 Eric Kiptoo Kipsang amefariki dunia katika eneo la Kapsoya mjini Eldoret nchini Kenya, alikokuwa akipatiwa matibabu hospitalini baada ya kupatwa na maumivu ya kifua.

Machi 23 mwaka huu, polisi walipata ripoti juu ya mwili wa mtoto kutelekezwa na gari kandoni mwa barabara ya Chepkoilel kabla ya kufuatilia na kumtia mbaroni Kiptoo alipokuwa akijaribu kujiua kwenye moja ya bwawa huko Kapsoya.

Licha ya majirani kudai kuwa Kiptoo alikuwa na matatizo ya akili, mama mzazi wa mtoto Linda Jemutai amesisitiza haki ipatikane.