){kind=link}
Moto wateketeza Vibanda vya Wamachinga Mbeya
Zaidi ya vibanda 20 vilivyojengwa kwa mbao vya machinga Mtaa wa Block T vinavyozunguka gereza la watoto wilaya ya Mbeya Mkoa wa Mbeya vimewaka moto na Mali zao zote zimeteketea huku chanzo cha moto huo kikiwa hakijajulikana mpaka Sasa.
Wafanyabiashara wa soko hilo ambao hawajafanikiwa kuokoa mali yeyote wakizungumza kwa masikitiko wamelitupia lawama jeshi la zimamoto ambalo limechelewa kufika na kusababisha Mali zao kuteketea
Waathiriwa hao wameeleza namna walivokabiliana na moto huo na kufanikiwa kuuzima bila kuokoa Mali yeyote.
Kamanda wa zimamoto amekiri kuchelewa kufika eneo la tukio, jambo ambalo limesababisha hasira kwa waathiriwa hao, na kutaka kuwavamia huku akieleza sababu kuwa gari lao Moja ni bovu na ambalo ni Zima lilikuwa uwanja wa ndege wa Songwe.