Moto mkubwa wazuka Rombo, maduka tisa yateketea

Rombo. Maduka tisa  ya bidhaa mbalimbali ikiwemo mitungi ya gesi  yaliyopo Tarakea wilayani Rombo yameteketea kwa moto uliowaka saa nane  usiku wa kuamkia leo.

Mkuu wa Wilaya ya Rombo, Agness Hokororo  ameiambia Mwananchi  leo Ijumaa Septemba 13, 2019   moto umeteketeza mali zote zilizokuwamo ndani ya maduka hayo.

“Wamefanikiwa kuuzima lakini tayari uliteketeza mali zote za wafanyabiashara zilizokuwemo kwenye maduka hayo. Uchunguzi bado unaendelea  ili kujua thamani ya mali na  chanzo halisi cha moto  ambacho hakijafahamika,” amesema Hokororo.