Mmoja afariki vurugu za sungusungu na vijana

Mtu mmoja amefariki dunia baada ya kutokea vurugu kati ya sungusungu na baadhi ya vijana katika Kijiji cha Mwitikila wilayani Bahi Mkoa wa Dodoma.

Inadaiwa kuwa vurugu hizo zilizotokea usiku wa kuamkia leo Jumapili Desemba 18, 2022 zilianza baada ya sungusungu kuanza kukamata vijana wanaodaiwa kuwa wavuta bangi.

Taarifa zinasema kuwa nyumba, gari na duka ambavyo ni vya diwani wa Kata ya Mwitikila, Aloyce Sogozi vimechomwa moto huku nyumba ya mwenyekiti wa kijii ikibomolewa.

Kamanda wa Polisi Mkoa wa Dodoma, Martin Otieno amethibitisha kuwepo kwa vurugu hizo na kuahidi kuwa atatoa taarifa baadaye.