Unguja. Mkurugenzi wa Shirika la Utangazaji la Taifa (TBC), Ayoub Rioba amesema kifo cha mfanyakazi wao, Marin Hassan Marin kimeacha pengo kwenye shirika hilo na itawawia vigumu kuliziba.
Rioba ameyasema hayo leo Alhamisi Aprili 2, 2020 wakati wa maziko ya nguli huyo wa habari Tanzania yaliofanyika katika makaburi ya Mwanakwerekwe mjini Unguja.
Amesema siku zote akiwa ofisini amekuwa akiwasisitiza wafanyakazi wa TBC kuiga mfano wa ufanyaji kazi kama Marin.
Anasema alikuwa na kipaji cha aina yake na cha hali ya juu.
Rioba anasema akiwa kama msimamizi mkuu wa shirika hilo, atahakikisha yale yote aliyoanzisha Marin vikiwamo vipindi mbalimbali, vitaendelezwa kwa kuwa kufanya hivyo ni sawa na kumuenzi kwa mazuri yake aliyoyafanya.
Hata hivyo, amesema siku chache kabla ya kifo chake, Marin alikabidhiwa jukumu la kusimamia kipindi kipya cha habari cha Aridhio ambacho kinakwenda kutoa wigo mpana ndani na nje ya Tanzania.
Advertisement Awali, Waziri wa Habari Zanzibar, Mahmoud Thabit Kombo amesema Marin ataendelea kukumbukwa na Serikali zote mbili za Muungano na ya Mapinduzi Zanzibar kwa mchango wake.
Waziri wa Habari wa Nchini, Harison Mwakyembe amesema Marin amekuwa na mchango mkubwa kwa Taifa kupitia habari na vipindi vyake.
Amesema kifo cha Marin kimemgusa hata Rais John Magufuli kiasi cha kuamua kuwa
Mwenyekiti wa kamati ya mwanzo iliyotoa taarifa kwa mke wa marehemu aliyekuwa nyumbani kwake Dodoma.
Mkurugenzi TBC amlilia Marin Hassan Marin
