){kind=link}
Mhanga ajali ya Moto Mkokotoni afunguka
Mkuu wa Mkoa wa Kaskazini Unguja Mheshimiwa Ayoub Mohammed Mahmoud amesema timu ya wataalamu kutoka kamisheni ya Maafa Wilaya ya kaskazini A inaendelea na uchunguzi wa kubaini gharama za athari ya kuungua kwa moto katika moja ya nyumba iliyopo Mkokotoni Zanzibar
Rc Ayoub ameeleza hayo alivyoongoza ujumbe wa Kamati ya Ulinzi na Usalama ya Mkoa huo kumifariji familia ya wahanga wa ajali ya moto ya kuunguliwa kwa nyumba yao Febuari 6, mwaka huu huko Shehia ya Mkokotoni
Ayoub amesema serikali inaendelea kuwa karibu ili kufatilia kiini cha tukio hilo na athari zilizojitokeza ili kuchukua hatua stahiki kwa wahanga hao
Kwa upande wake mhanga wa Tukio hilo ambae ni mkaazi katika nyumba hiyo Abdallah Khamis Juma ameishukuru serikali ya mkoa kwa kufika na kuwafariji ambapo amesema moto huo umeteketeza vitu vyote katika nyumba hiyo.