Serikali kuboresha huduma ya usafiri DSM
Naibu Waziri wa Ujenzi na Uchukuzi Mwita Waitara amesema Serikali inaendelea kufanyia kazi uwekaji wa mazingira bora ya usafiri kwa kuimarisha miundombinu ya barabara hususani katika jiji la Dar es Salaam, ili huduma hiyo ipatikane kwa uhakika kwa wananchi wote.
Waitara ameyasema hayo jijini Dar es Salaam, wakati alipokutana na viongozi baraza la ushauri la watumiaji wa huduma za usafiri ardhini Latra CCC, sambamba na kufungua tovuti ya Latra huku akisema Serikali inatambua changamoto zinazowapata wananchi watumiao usafiri wa ardhini na kuiagiza Mamlaka hiyo kupanga utaratibu mzuri pamoja na kutoa elimu sahihi kwa wananchi juu ya usafiri wa ardhini.
Kwa niaba ya mkuu wa mkoa , Mkuu wa Wilaya ya Ilala Ng'wilabuzu lubigija amesema changamoto ya miundombinu ya barabara jijini humo ndio sababu kubwa ya msongamano na magari jambo ambalo linaleta adha kubwa ya usafiri.
Nae Kaimu Mtendaji Mkuu wa Mamlaka hiyo, John Ngowi amemuhakikishia Naibu waziri kuwa wamejipanga kuzifanyia kazi changamoto za usafiri.