Maadhimisho wiki ya wiziwi kufanyika Mbeya

Mkurugenzi wa Chama Cha Viziwi Tanzania (CHAVITA), Dickson Mveyange amesema maadhimisho ya Wiki ya Kimataifa ya Viziwi inatarajiwa kufanyika kitaifa jijini mbeya kuanzia tarehe 25 hadi 30 Septemba mwaka huu.

Akiongea na waandishi wa habari ofisini kwake leo Septemba 18, 2023 jijini Dar es Salaam, amebainisha kuwa CHAVITA imepanga kufanya tukio kubwa la uhamasishaji ambalo litatoa ujumbe kwa jamii ambapo wadau mbalimbali watatoa mafunzo katika maadhimisho hayo kabla ya kufikia kilele Septemba 30 kwenye Uwanja wa Sokoine Ruanda Nzowe jijini Mbeya.

Aidha Mveyange amefafanua kaulimbiu ya mwaka huu ambayo ni "Popote Viziwi walipo Ulimwenguni wanaweza kutumia Lugha ya Alama" kuwa inalenga kutambua mchango wa viziwi katika kukabiliana na changamoto mbalimbali zikiwemo za mawasiliano.