Lindi ilivyomkosha Rais Samia

Rais Samia Suluhu Hassan ameeleza namna alivyovutiwa na mwonekano wa juu wa wilaya ya Kilwa mkoani Lindi alipokuwa kwenye helikopta akielekea wilayani humo kuweka jiwe la msingi la ujenzi wa bandari ya uvuvi na ugawaji wa boti kwa wavuvi.

Akizungumza katika hafla ya uwekaji wa jiwe hilo la msingi Rais Samia amesema mwonekano wa juu wa Kilwa ni wa kuvutia sana hasa unapokuwa kwenye anga kama ambavyo yeye aliona.

Kutokana na mwonekano huo Rais Samia.Suluhu Hassan amesema Serikali itapeleka Wataalamu ili wakaangalie namna mito na jiografia ya Kilwa inaweza kutumika katika uvuvi.

Ameongeza kuwa Serikali imekusudia kutumia uvuvi kutoka kwenye mito na mikoko na kwamba soko la mazao ya uvuvi duniani lipo la kutosha hivyo vijana wajiandae kupata fursa za ajira za kutosha.