Ekari zaidi ya 10 za bangi zateketezwa Mara

Jeshi la Polisi Mkoani Mara limefanikiwa kuteketeza zaidi ya ekari 10 za bangi katika Kijiji cha Magatini Wilaya ya Serengeti Mkoani Mara.

Kaimu Kamanda wa Polisi Mkoa wa Mara, Thomas Mapuli amesema mashamba hayo yamepatikana kutokana na oparesheni kali inayoendelea Mkoani humo yenye lengo la kubaini Watuhumiwa wote wanaojihusisha na biashara haramu ya dawa za kulevya katika Mkoa huo.

Mapuli amesema Polisi wataendelea kufanya oparesheni za mara kwa mara ili kuhakikisha Watu wote wanaojihusisha na shughuli za kilimo cha bangi wanaacha mara moja.