Diwani asahau kuvaa nguo ya ndani kisa furaha ya barabara

Diwani wa kata Tembela halmashauri ya Wilaya ya Mbeya, Juma Mwakalobo amewaacha hoi viongozi wa Mkoa na wananchi wa kata yake baada ya kudai kukamilika kwa ujenzi wa barabara ya lami ya Inyala - Simambwe, imemfaya asahau kuvaa soksi na nguo ya ndani alipo pewa taarifa za viongozi hao kwenda kukagua ujenzi huo kabla ya kuifungua.

Akizungumza mbele ya viongozi hao Mwakalobo amesema ujenzi wa barabara hiyo ni kitu ambacho hakikutarajiwa na wananchi kwa miaka yote Hadi sasa, na inakua ndio barabara pekee yenye lami inayo unganisha kata tatu ya Inyala, Maendeleo na Tembela, hivyo kukamilika kwake itakua msaada mkubwa kwa wananchi wa kata hizo katika kusafirisha mazao yao kutoka shambani na kuyafikia msoko kwa urahisi.

Kwa upande wake Mkuu wa mkoa wa Mbeya Mhe Juma Homera amewataka wananchi hao kuilinda barabara hiyo iliyo jengwa na serikali kwa kushirikiana na serikali ya ulaya kupitia Mradi wa Agri Connect, Ili iweze kuongeza uchumi wa mkulima mmoja na Halmashauri hiyo, huku akiwataka wakala wa barabara Nchini TANROADS kuangalia namna ya kuipandisha hadhi kutoka TARURA kwenda kwao Ili iruhusu magari makubwa yanayotoka Nchi jirani ya Malawi na mabasi ya mikoani kupitia njia hiyo.