Dereva aliesababisha ajali Mwanza akamatwa

Jeshi la Polisi Mkoani Mwanza limewakamata madereva wawili wa basi la Asante rabi Karim Auni (40) na Shedrack Swai (37) aliesababisha ajali iliyotokea octoba 22 Jijini Mwanza iliyoua watu 8 na wengine kadhaa kujeruhiwa.

Taarifa hiyo iliyotolewa na Jeshi la Polisi hii leo imeeleza Jeshi la Polisi linawashikilia madereva hao wa basi la kampuni hiyo kwa kuendesha basi kizembe na kusababisha ajali ambapo wanashikiliwa kwa mahojiano na uchunguzi unaendelea na pindi uchunguzi utakapo kamilika watapandishwa mahakamani.

Jeshi la polisi limeendelea kutoa wito kwa madereva wote wanaoendesha vyombo vya moto kuendesha kwa kuzingatia sheria na taratibu za usalama barabarani ili kuepusha ajali za mara kwa mara zinazoepikika.