Arusha. Kikao cha kugombea mali za Bilionea Erasto Msuya ambaye aliuawa mwaka 2013 kinaendelea ofisi ya Mkuu wa Wilaya Arumeru mkoani Arusha, Jerry Muro ambaye anazitaka familia zote kukubali maridhiano.
Akizungumza katika kikao hicho leo Jumatatu Oktoba 21, 2019, Muro anasema ni muhimu familia ya Msuya na familia ya Miriam Mrita ambaye ni alikuwa mke wa Bilionea Msuya kukubali kwamba kila familia imeathirika na mauaji ya Msuya.
"Hapa hatutafuti mshindi mama na baba wa Msuya tayari mlimpoteza mtoto Erasto lakini na wewe mtoto Kelvin umempoteza baba yako na mama yako yupo Gegerezani, sasa mali za Msuya zisiwafanye mpate laana" amesema.
Awali, Wakili Shilinde Ngalula anayewatetea watoto wa Bilionea Msuya anasema wakati muafaka huo unatafutwa pia izingatiwe hata Mjane wa Msuya, Miriam yupo gerezani katika kesi inayohusu mali.
Soma zaidi: Watoto wa bilionea Msuya hali bado tete
Wakili Shilinde amesema kuna mambo mawili yanaweza kufanywa kumaliza mgogoro, kuna kesi tatu zilifunguliwa kumpinga mjane wa marehemu kusimamia mirathi zinaweza kufutwa.
Pia Soma
- RC Chalamila ampa saa 24 DED kuhamisha ofisi
- Upelelezi kesi anayedaiwa kumuua mkewe, kumchoma kwa mkaa wakamlika
- Jiji la Dodoma lang'ara ukusanyaji mapato, Waziri Jafo ataka wakurugenzi kujitathimini
"Aliyepeleka anaweza kwenda kufuta, katika kesi ya mjane, shihidi namba moja ni Mama wa Erasto Ndeshukuru Sikawa sasa tutapata vipi muafaka wakati kuna kesi mahakamani," amesema.
Hata hivyo, Mkuu huyo wa wilaya ametaka wakati wa kusaka suluhu suala la mke wa Bilionea Msuya litakuja baada ya maridhiano ya familia.
Soma zaidi: VIDEO: Watoto wa bilionea Msuya wahofia kuporwa mali, waomba msaada
"Hakuna ambaye anasema mjane wa Msuya sio msimamizi wa mirathi hivyo, tuache kesi ya jinai inayomkabili mke wa Msuya," anasema
Kelvin Msuya anaomba maridhiano kupatikana na ambao wanataka kuchukua mali za baba yake waache.
Dada wa Msuya, Ester Msuya aliomba serikali kusaidia kugawanywa mali za Msuya kwa haki na wote wenye haki wapate wakiwepo watoto.
Soma zaidi: VIDEO: Serikali yawarejesha watoto wa bilionea Msuya kwenye nyumba ya baba yao
Kikao bado kinaendelea.
Endelea kufuatilia Mwananchi kujua kinachoendelea