DC: Arusha sio shamba la bibi

Mkuu wa Wilaya ya Arusha, Felician Mtahengerwa ameonya watumishi wa Jiji la Arusha kuwa wasiifanye halmashauri hiyo kama shamba la bib,i bali waongeze kasi ya ukusanyaji wa mapato.

Dc Mtahengerwa ametoa salamu hizo leo, wakati wa kikao cha robo ya pili ya mwaka 2022/23 cha baraza la madiwani Jiji la Arusha.

Amesema baadhi ya watumishi wamekuwa wakifanya Jiji la Arusha kama shamba la bibi sasa wajue "babu" kaingia na anajua maeneo yote ya Jiji la Arusha na alishangaa kwa nini jiji hilo litenge bajeti ya Sh bilioni 35 kwa mwaka, wakati wana uwezo wa kukusanya Sh bilioni 100 .