Binti miaka 15 apotea, mwalimu atajwa

Taharuki imetanda kwenye familia ya Warda Mohammed (15), mwanafunzi wa Shule ya Sekondari Nyumbu, Kibaha baada ya binti huyo mdogo kupotea tangu Aprili 19, 2023.

Dada wa mwanafunzi huyo, ameeleza kuwa mdogo wake amepotea baada ya mwalimu aliyekuwa akimlea na kuishi naye kama mwanaye, kumchapa fimbo kwa tuhuma za kumkuta akiwa anamiliki simu.

Baada ya kupigwa, Warda alitokomea kusikojulikana ambapo mpaka leo hajapatikana, na kusababisha ndugu zake wawe wanahaha kumtafuta kila sehemu.

Familia inaomba kwa yeyote atakayemuona au mwenye taarifa za mahali alipo, awasiliane nao kwa namba za simu ambazo ni: 0656520998 au 0687003356.