Basi latumbukia shimoni Bukoba,  watu nane wafariki

Watu nane wamefariki dunia na wengine sita wanapatiwa matibabu katika Hospital ya Rufaa ya Mkoa wa Kagera baada ya gari walilokuwa wanasafiria kukatika mfumo wa breki kabla ya kutumbukia shimoni.

Kwa mujibu wa Kamanda wa Jeshi la Polisi mkoani Kagera, Revocatus Malim basi hilo dogo linalofanya safari zake Kemondo na Manispaa ya Bukoba limepata ajali katika barabara ya Uganda, Mtaa wa Rwamishenye.

Ameeleza kuwa gari hilo aina ya Toyota Hiace lenye namba za usajili T471DCG lilikuwa linatokea Kemondo na kwenda Bukoba Mjini jana.

Alisema kuwa Polisi wanamshikilia dereva wa gari hilo, Ismaili Rashid.