Auawa na Mamba akitoka kununua mboga

Mkazi wa Mtaa wa Mgombezi Wilayani Korogwe Mkoani Tanga, Rashidi Chamsaka (50) amefariki baada ya kuliwa na mamba wakati akitoka kununua mboga kwa ajili ya chakula cha usiku.

Shuhuda na jirani wa marehemu amesema Rashid alimuomba tochi na baadaye kuirudisha na kuondoka ila saa tano usiku alisikia purukushani eneo la Mto Pangani ambao unapakana na nyumba yake na yeye alidhani ni mbwa anapambana na mamba kwakuwa wamezoea kumuona mamba akipambana na wanyama lakini asubuhi akapata taarifa ya msiba wa jirani yake.

“Kwakweli majira ya saa tano usiku nilisikia purukushani kubwa sana eneo la Mtoni nikadhani mamba amekamata mbwa hivyo basi nikaendelea zangu kulala ila kulipokucha ndipo nikapewa taarifa za msiba kuwa aliyekuwa ana pambana usiku na mamba sio mbwa bali ni Mtu”

Shuhuda mwingine amesema Rashidi amefariki kifo cha kusikitisha sana kwani mamba amemla sehemu kubwa ya mwili wake na kubakisha mkono pamoja na kichwa tu na hakukuwa na mabaki yeyote ya mwili ambayo yalibahatika kupatikana kwa ajili ya mazishi.

Kwa upande wake Mwenyekiti wa Mtaa wa Mgombezi Selemani Mfinanga amesema taarifa za tukio hilo alizipata mapema saa kumi na mbili asubuh na kufika eneo la tukio na kutoa taarifa Polisi kwa ajili ya kuthibitisha tukio hilo ili kuweza kuruhusu Ndugu kupata kibali cha mazishi.