Arusha nzima kuwaka umeme Disemba 2022

Rais Samia amewathibitishia wananchi wa mkoa wa Arusha hasa maeneo ya vijijini kuwa ifikapo Disemba 2022 Serikali itakuwa imefikisha huduma ya umeme maeneo yote ya mkoa huo.

Ametoa kauli hiyo Oktoba 18,2021 wakati wa uzinduzi wa mradi mkubwa wa maji uliopo Wilaya ya Longindo Mkoani Arusha, na kuongeza kuwa Serikali imejipanga kutatua kero za kijamii zinazokwamisha maendeleo ya uchumi.

"Vijiji kama 133 ambavyo bado havijafikiwa na huduma ya umeme tunakwenda kuvimalizia. ifikapo Disemba mwakani Arusha yote, Mkoa wote, vijiji vyote vitafikiwa Umeme 100%." Rais Samia Suluhu.

Ameongeza kusema kuwa mpango huo unatarajiwa kuongeza kasi ya uzalishaji itakayochochea ukuaji wa uchumi.