UVCCM waitaka Serikali itoe majibu mikopo ya Asilimia 10

Baraza Kuu la Umoja wa Vijana CCM ( UVCCM ) Taifa limeitaka Serikali itoe majibu kwa Vijana ni lini mikopo ya 10% itarejeshwa baada ya kusitishwa kwa miezi kadhaa na kwamba limeipa Serikali siku 7 kutoa majibu na isipofanya hivyo basi Wizara husika zijitathmini kama zinatosha kusimamia maslahi ya Vijana.

Mwenyekiti wa UVCCM Taifa Mohammed Kawaida amesema hayo Mkoani Kigoma baada ya Baraza hilo kumaliza vikao vyake vilivyofanyika Mkoani humo na kutoka na maazimio hayo.

“Baraza Kuu la UVCCM Taifa linaitaka Serikali kupitia Ofisi ya Waziri Mkuu, Wizara ya Vijna na Kazi pamoja na TAMISEMI watoe majibu kwa Vijana ni lini mikopo ya 10% itarejeshwa, mikopo hiyo 4% inaenda kwa Vijana, 4% Wanawake na 2% kwa wenye mahitaji maalum, wasipofanya hivyo ndani ya siku 7 basi Baraza Kuu la UVCCM linawataka wajitathmini ikiwa wanatosha kuendelea kuyasimamia maslahi ya Vijana”