UVCCM: Vijana tumechoka kubezwa!..

Mwenyekiti wa Umoja wa Vijana wa CCM , Mohammed Kawaida @comrade_kawaida amewatia moyo Vijana wa Kitanzania kwamba wasikate tamaa kutokana na kauli mbalimbali za kuwabeza zinazotolewa na baadhi ya Viongozi na Watu mbalimbali akisema imefika wakati kuwa Kijana imeonekana kama ni dhambi kitu ambacho kimewachosha Vijana.

Akiongea Jijini Dar es salaam, Kawaida amesema “Niwatieni moyo Vijana wenzangu wa Kitanzania, kumekuwa na kauli mbalimbali za kuwabeza, kuona Vijana kama ni dhambi kuwa Vijana, na wanaoongea haya kanakwamba wao hawajawahi kuwa Vijana, mara Vijana wamekuwa hivi mara leo Vijana wako hivi, haya yote ni kwasababu ya kutaka kutukatisha tamaa Vijana”

“Niwatie moyo Vijana mwendo ni uleule ushindi, ikiwa leo tunawaona Vijana ni wa hovyo basi na Walezi nao pia wa hovyo, Vijana wanasema mbwa anazaa mbwa, ikiwa tunaona Vijana hawana maana kuna sehemu napo hapana maana”