Tutakwenda kumchukulia fomu ya urais Dkt Samia - Jokate

Katibu Mkuu wa Jumuiya ya Umoja wa Wanawake wa Tanzania (UWT) Jokate Mwegelo, amesema wakati ukifika wa kuchugua fomu ya urais, watakwenda kumchukulia fomu Dkt Samia Suluhu Hassan ili aweze kugombea tena na kushinda.

Jokate aliyasema hayo leo Oktoba 27, 2023 katika mkutano wake na waandishi wa habari uliofanyika katika ofisi ndogo ya CCM Lumumba Dar es Salaam wakati akizungumzia kuelekea sherehe za kumpongeza Rais wa Serikali ya Mapinduzi ya Zanzibar na Mwenyekiti wa Baraza la Mapinduzi Dkt. Hussein Ali Mwinyi kwa miaka mitatu madarakani.

“Tutakwenda kumchukulia fomu Dkt Samia Hassan kwa sababu tumeona ameweka wanawake wanashika nafasi mbalimbali za uongozi…,” alisema Jokate.