Tulia awaonya wana- CCM vigeugeu

Spika wa Bunge, Dk Tulia Ackson, amewaonya baadhi ya wanachama wa Chama Cha Mapinduzi (CCM), kuepuka tabia ya kuwa kigeugeu kwa kuunga mkono upande wa pili, huku akiwasihi kutokubali ubaguzi na ukabila.

Dk Tulia ambaye pia ni Mbunge wa Mbeya Mjini, ametoa kauli hiyo leo Jumatano Agosti 2, 2023 wakati akizungumza na wananchi wa Kata ya Iyela, baada ya kukagua ujenzi wa miradi ya mabweni mawili ya wanafunzi wa kike katika Shule ya Sekondari Samora uliogharimu Sh60 milioni fedha za mfuko wa Jimbo.

“Wapo watu ndani ya chama wanataka kumvuta shati Rais Samia Suluhu Hassan, hawaeleweki. Watambue wana deni katika uchaguzi mkuu 2025,” amesema.