Samia: Muosha huoshwa

Rais wa Jamhuri ya Muungano wa Tanzania na Mwenyekiti wa Chama Cha Mapinduzi (CCM) Taifa, Samia Suluhu Hassan ametumia kauli ya muosha huoshwa kwenye mkutano mkuu wa chama hicho unaoendelea jijini Dodoma, kabla ya uchaguzi wa wajumbe wa NEC.

Samia amesema yeye na wenzake awali walisimamia chaguzi kuanzia ngazi za chini lakini leo ni zamu yao kupigiwa kura!

”Nilipokuwa nahotubia Mkutano Mkuu wa umoja wa wanawake wa Chama Cha Mapinduzi nilitumia msemo muosha huoshwa sasa mimi na wenzangu wa Halmashauri Kuu ya Taifa na Kamati Kuu tuliosha wenzetu kutoka ngazi ya vijana mpaka kufikia Mkoa.

"Na leo ni zamu yetu kuoshwa, ninacho waomba mtuoshe tutakate turudi kukitumikia chama hiki,” amesema Samia.