Mtemvu ambwaga Kate Kamba Uenyekiti wa CCM Dar

Mbunge wa zamani wa Temeke Abbas Mtemvu ameibuka kidedea katika nafasi ya Mwenyekiti wa CCM Mkoa wa Dar es Salaam baada ya kupata kura 444 na kumwangusha Mwenyekiti aliyemaliza muda wake, Mama Kate Kamba aliyepata kura 160.

Kate Sylivia Kamba ameshindwa kutetea nafasi yake hiyo ambayo aliongoza kwa kipindi cha miaka mitano.

Akitangaza matokeo hayo, Msimamizi Mkuu wa Uchaguzi wa Mkoa Fatma Mwasa, ambaye ni Mkuu wa Mkoa wa Morogoro alimtaja mshindi huyo katika ukumbi wa Mawela Sinza jijini Dar es Salaam.

Wagombea wengine ni aliyewahi kuwa Mkuu wa Wilaya Temeke 2002, Baraka Konisaga amepata kura nne na Kamishna Msaidizi Mwandamizi Mstaafu wa Jeshi la Polisi nchini SACP Jamal Rwambow.