Mgombea Urais ataka wanaotoa zawadi wanyimwe kura

MGOMBEA Mwenza wa Chama cha Wakulima (AAFP), Rashid Mohamed Rai amewataka wananchi wachague viongozi waleta maendeleo badala ya wanunua uongozi kwa zawadi ambao watafanya wateseke kwa miaka mitano wakiwa madarakani.

Akizungumza jana wakati wa Mkutano wa Kampeni katika Kata ya Dodoma Makulu jijini Dodoma alisema vyama hivyo vinavyowanunua wananchi kwa zawadi havina nia nzuri na wananchi hao kwani watapata mateso ya miaka mitano.

Rai aliyekuwa safarini kwenda Mwanza na akapitia Dodoma Makulu kutia hamasa katika Kampeni hizo alisema, wanatakiwa kuchagua chama chao cha wakulima ambacho kipo kwa ajili ya kutetea maslahi yao wakulima.