Makonda awataka watumishi wawe msaada kwa wananchi

Katibu wa Itikadi, Uenezi na Mafunzo Paul Makonda, amewashauri watendaji wa serikali kuwa msaada wa kuwapatanisha wachimbaji wa madini na wananchi wanaopisha maeneo ya miradi ili bidhaa zinazotoka katika maeneo husika ziwasaidie wananchi katika kupata maemdeleo.

Ameyasema hayo wakati akizungumza na wananchi wa Bunda mkoani Mara waliyoyatoa mbele ya viongozi wa serikali na wanasiasa ambao walisema bado uwekezaji unaowekwa katika maeneo mbalimbali haujawanufaisha vizuri wananchi wa maeneo husika hivyo uwekezaji uendane na maendeleo ya maeneo ikiwemo Afya, Maji,Elimu,Miundombinu na maendeleo mengine.

"Tunawapenda wawekezaji waje kuwekeza katika maeneo yetu, lakini tatizo lipo kwa baadhi yao na baadhi ya watendaji wa serikali hawajitambulishi kwa wananchi hivyo wakati mwingine migogoro inakuwepo kwa sababu wasiojua wanahisi ni wavamizi wa maeneo yao kumbe ni wamiliki halali," amesema Makonda