Lissu kuongoza maandamano leo Morogoro

Makamu Mwenyekiti wa Chama cha Demokrasia na Maendeleo (Chadema) Tundu Lissu anatarajia kuongoza maandamano ya amani yaliyopangwa kufanyika leo Aprili 30 mkoani Morogoro.

Maandamano hayo yamepangwa kuanzia Kihonda kwa Chambo-Masika-Mzunguko wa Sua na baadaye saa nane mchana atafanya mkutano wa hadhara kwenye Uwanja wa Shule ya Msingi Uwanja wa Ndege.

Lissu ataambatana na viongozi wa chama hicho Mkoa wa Morogoro na watakuwa na mabango mbalimbali ya kuelezea kero zao zinazowakabili.