Kunambi amshukuru Rais Samia ujenzi wa lami Mlimba-Mngeta

Mbunge Jimbo la Mlimba, Godwin Kunambi amekagua ujenzi wa Barabara kiwango cha lami ya Mlimba na Matangini katika Kata ya Mlimba yenye urefu wa km 1 utakaogharimu zaidi ya Sh Milioni 700 pamoja na km 1 nyingine ya Barabara ya Itongoa iliyopo Kata ya Mngeta itakayogharimu Sh Milioni 500.

Akizungumza mara baada ya ukaguzi wa barabara hizo, Kunambi amemshukuru Rais Samia kwa kuendelea kutenga Fedha katika Jimbo la Mlimba za utekelezaji wa miradi mikubwa ya kimaendeleo kwa wananchi wa Jimbo hilo.

Kunambi amewataka wakandarasi wanaotekeleza miradi hiyo miwili kujitahidi kukamilisha kwa wakati uliopangwa ili kuweza kutimiza azma ya Serikali ya kupeleka huduma kwa wananchi wa maeneo hayo.