Halima Bulembo awataka vijana kutokata tamaa

Bukoba. Mbunge wa Viti maalumu (CCM), Halima Bulembo amedai alipojitosa kuwania nafasi hiyo alielezwa maneno ya kukatishwa tamaa lakini hakutaka kuyapa nafasi.

Akitoa salamu zake katika uzinduzi wa kampeni ya Kagera ya Kijani leo Jumamosi Julai 27, 2019 mbunge  huyo amewataka vijana kutovunjika moyo wanapogombea nafasi mbalimbali.

“Niliambiwa sina uwezo lakini mimi ni mbunge kupitia vijana mkoani Kagera,” amesema Halima na kuwataka vijana kujitokeza kugombea nafasi mbalimbali.

Katika uzinduzi huo, Joyce Robozi ametambulishwa kuwa mwenyekiti wa Shirikisho la walimu makada wa CCM na kuahidi kulinda mafanikio ya Serikali.

Uzinduzi wa Kagera ya kijani umetajwa kuwa ni mkakati kuelekea uchaguzi wa Serikali za mitaa utakaofanyika Oktoba, 2019.

 

Pia Soma

• 

  Mwenyekiti CCM adai 2015 Arusha hawakumuunga mkono Magufuli lakini.....

• 

  Diamond atajwa mkutano mkuu wa NCCR-Mageuzi

• 

  Kila mtu apanga ratiba yake La Liga