Dk Nchimbi aonya wanaopanga safu za wagombea CCM

Katibu Mkuu wa Chama cha Mapinduzi (CCM), Dk Emmanuel Nchimbi amewaonya wanaopanga safu za wagombea au kujipitisha kuacha mchezo huo.

Amesema hatua hiyo inawanyima usingizi viongozi waliopo kwenye dhamana kutekeleza wajibu wao, kwa hiyo,”tukatae mchezo huu wa kupanga safu na wale wote wanaotaka kugombea kama fursa.”

Dk Nchimbi mesema hayo leo Alhamisi, Mei 30, 2024 katika kikao cha ndani cha viongozi mbalimbali wa CCM kuanzia ngazi ya mabalozi hadi Mkoa wa Singida, kilichofanyikia ukumbi wa Kanisa Katoliki, Singida Mjini.

“Kuchagua na kuchaguliwa ni haki ya kila mmoja, hatuwezi kwenda wote, tunachagua wachache kwenda kutuwakilisha, sasa wakati ukifika tuchague watu ambao watasimama mbele kwa wananchi wetu, si wale wanaotafuta fursa,” amesema Dk Nchimbi.

“Changamoto tunayokutana nao kwa sasa ni watu kutoruhusu waliochaguliwa kutimiza wajibu wao, sasa tunaandaa wagombea, wanawanyima usingizi waliopo. “Ukiwauliza kwa nini mnamtaka huyo? Utasikia wanasema ana hela huyo, viongozi kataeni kutumika na kutumika ni kubaya.”