Chongolo amvaa Makonda mzima mzima

Katibu Mkuu wa Chama cha Mapinduzi Daniel Chongolo amesema aliyekua Mkuu wa Mkoa wa Dar es salaam Paul Makonda alifanya kazi kubwa wakati akiwa Mkuu wa mkoa ya kujenga Ofisi za Chama hicho Kinondoni na Kigamboni.

“Ni lazima tutambue kuwa aliyekuwa Mkuu wetu wa Mkoa wa Dar es salaam (Paul Makonda) alifanya kazi kubwa sana, tusiwe wanafiki, mnajua na ni lazima tuseme, yeye ndiye alianzisha ujenzi wa Ofisi hizi za Chama hapa Kigamboni na alifanya na Kinondoni, lazima tumpongeze” ——— Daniel Chongolo, Katibu Mkuu wa CCM.

Kauli hii ya Chongolo inakuja kufuatia minongono inayoendelea katika mitandao ya kijamii kuhusu kiongozi huyo mstaafu huku wengi wakimshtumu kwa vitendo vya uvunjifu wa haki.

Aidha Makonda kupitia mtandao wa kijamii wa Instagram aliweka ujumbe akieleza kuhusu vikundi vyta watu mbalimbali wanaotaka kumdhuru licha ya kuwa alihudumu kwa maslahi ya taifa kwa ujumla.