Katibu Mkuu wa Chama Cha mapinduzi (CCM), Daniel Chongolo
Katibu Mkuu wa Chama Cha mapinduzi (CCM), Daniel Chongolo amehitimisha ziara yake mkoani Katavi jana Oktoba 7, akionya endapo mawaziri wizara husika hawatatekeleza ahadi hizo alizotoa kwenye mkutano wa hadhara, atanong’ona na Rais Samia Suluhu Hassan na vibarua ya viongozi hao vitakuwa shakani.
Katika ziara hiyo iliyoanza mapema wiki hii, Chongolo aliwaita baadhi ya mawaziri au wasaidizi wao kuja kujibu kero za wananchi zikiwamo za miundombinu, maji, elimu na umeme.
Katika mkutano wa hadhara uliofanyika mkoani humo leo, Chongolo amewataka mawaziuri hao kutekeleza ahadi zao za utatuzi wa kero, vinginevyo atanong’ona na Rais Samia Suluhu Hassan.
“Kazi yetu ni kuwasimamia, kama mambo hayaendi vizuri tutanong’ona na aliowateua, mambo yao yatabaki vilevile, si yataharibika? Sasa unafikiri hawa vijana wanataka mambo yao yaharibike?
“Ili yasiharibike lazima wayatekeze tuliyokubaliana,” amesema Chongolo akitoa ahadi hizo kwa wananchi.
Katika kutekeleza maombi ya wananchi, Chongolo ameahidi Serikali kutoa fedha kukamilisha miradi minne ya afya na elimu mkoani hapo.